Saleebaan Cali Koore Oo Xabsiga La Dhigay Kadib Weerar Lagu Qaaday Gudoomiye Baashe.

Ad

Ad

Share

Hargaysa (Beerdhiga News)- Xildhibaan Saleebaan Cali Koore iyo darawalkiisa ayaa xabsiga la dhigay kadib isku day dil loo qorsheeyey in lagu khaarajiyo gudoomiyaha cusub ee golaha wakiilada Soomaaliland Baashe Maxamed Faarax.

Darawalka Saleebaan Cali Koore ayaa rabay inuu lagalo bastoolad xafiiska gudoomiyaha cusub ee loo doortay golaha wakiilada Soomaaliland.

Wararku waxay sheegayaan inuu xabada riday darawalku balse aysan u suurtagelin inuu gudaha ugalo xafiiska waxaana gacanta ku dhigay ciidamada ilaalada xafiiska gudoomiyaha baarlamaanka.

Rasaasta laga riday aqalka wakiilada Soomaaliland ayaa waxaa dhaawac fudud kasoo gaadhay xildhibaan Axmed Diiriye Nacnac.

Ciidanka ammaanka ayaa gacanta ku dhigay darawalkii iyo xildhibaan Saleebaan Cali Koore waxaana goobta la wareegay ciidamada booliska.

Arintan ayaa kusoo beegmasa kadib markii la doortay Gudoomiye Baashe oo loolan adag la galay xildhibaan Cabdiraxmaan Talyanle oo ay ku kala baxeen codka haldheeriga ah.

Garabka Talyanle iyo Saleebaan Koore ayaa ku gacan saydhay natiijada kasoo baxday doorashada waloow markii hore ay hambalyeeyeen, waxaana arintu isu bedeshay gacan ka hadal.

ad

Ad

Be the first to comment

Leave a Reply

Your email address will not be published.


*